2 ບໍລິສັດ ຮ່ວມມືທາງທຸລະກິດດ້ານການຕະຫຼາດ

1.645 12 ມ.ນ. 2020 ຂ່າວໜ້າ​ໜຶ່ງ
2 ບໍລິສັດ ຮ່ວມມືທາງທຸລະກິດດ້ານການຕະຫຼາດ

    ພິ­ທີ​ຖະ­ແຫຼງ​ຂ່າວ ການ​ຮ່ວມ​ມື​ທາງ​ທຸ­ລະ​ກິດ​ດ້ານ​ການ​ຕະ­ຫຼາດ ລະ­ຫວ່າງ​ບໍ­ລິ­ສັດ​ລາວ​ໂທລະ​ຄົມ​ມະ ນາ​ຄົມ​ມະ­ຫາ­ຊົນ (ລລທ) ແລະ ບໍ­ລິ­ສັດ​ຟໍ​ເຕ​ໂຕ​ໂກ​ປະ­ກັນ​ໄພ ຈັດ​ຂຶ້ນ​ວັນ​ທີ 10 ມີ­ນາ2020 ຢູ່​ສຳ­ນັກ­ງານ​ໃຫຍ່ ລລທ ໂດຍ​ການ​ຖະ­ແຫຼງ​ຂ່າວ​ຂອງ​ທ່ານ ທັນ​ສະ­ໄໝ ຊາ​ມຸນ­ຕີ ຫົວ­ໜ້າ​ຄະ­ນະ​ພັດ­ທະ­ນາ​ຄຸນ​ນະ​ພາບ​ການ​ບໍ­ລິ­ການ ລລທ ແລະ ທ່ານ Charles Cheo ຜູ້​ບໍ­ລິ­ຫານ​ກຸ່ມ​ບໍ­ລິ­ສັດ​ຟໍ​ເຕ​ໂຕ​ໂກ​ປະ­ກັນ​ໄພ ມີ​ຜູ້­ຕາງ­ໜ້າ​ຈາກ​ກະ­ຊວງ​ການ​ເງິນ ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ແລະ ພາກ ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ທັນ​ສະ­ໄໝ ຊາ​ມຸນ­ຕີ ກ່າວ​ວ່າ: ດ້ວຍ​ຄວາມ​ກ້າວ­ໜ້າ ແລະ ທັນ​ສະ­ໄໝ​ຂອງ​ເຕັກ​ໂນ​ໂລ​ຊີ​ສະ­ໄໝ​ໃໝ່ ໄດ້​ສ້າງ​ກາ­ລະ​ໂອ­ກາດ ແລະ ເອື້ອ​ອຳ­ນວຍ​ຄວາມ​ສະ­ດວກ​ໃຫ້​ທຸ­ລະ​ກິດ​ຫຼາຍ​ຂະ­ແໜງ­ການ ມີ​ການ​ຂະ­ຫຍາຍ­ຕົວ​ຢ່າງ​ວ່ອງ­ໄວ ແລະ ກ້າວ​ກະ­ໂດດ ຄຽງ​ຄູ່​ກັນ​ນີ້ ກໍ​ໄດ້​ສ້າງ​ຄວາມ​ສະ­ດວກ​ສະ­ບາຍ ແລະ ເພີ່ມ​ທາງ​ເລືອກ​ໃໝ່​ໃຫ້​ຜູ້​ບໍ­ລິ­ໂພກ​ຫຼາຍ​ຂຶ້ນ ເມື່ອ​ບັນ­ດາ​ຂະ­ແໜງ­ການ​ທຸ­ລະ​ກິດ​ມີ​ການ​ຮ່ວມ​ມື​ກັນ ຍິ່ງ​ເຮັດ​ໃຫ້​ສາ­ມາດ​ຕອບ​ສະ­ໜອງ​ຄວາມ​ຕ້ອງ­ການ Life style ຂອງ​ຜູ້​ຊົມ­ໃຊ້​ໄດ້​ດີ​ຍິ່ງ​ຂຶ້ນ​ເຊັ່ນ​ກັນ ຜະ­ລິດ​ຕະ​ພັນ “ສະ­ບາຍ​ໃຈ ໄປ​ໃສ​ໄປ​ກັນ” ແມ່ນ​ຜົນ​ຈາກ​ການ​ຮ່ວມ​ມື​ກັນ​ລະ­ຫວ່າງ ລລທ ເຊິ່ງ​ເປັນ​ບໍ­ລິ­ສັດ​ຊັ້ນ​ນຳ​ດ້ານ​ການ​ສື່­ສານ​ໂທລະ​ຄົມ­ມະ­ນາ­ຄົມ​ຂອງ ສປປ ລາວ ຫຼາຍ​ກວ່າ 23 ປີ ແລະ ບໍ­ລິ­ສັດ​ຟໍ​ເຕ​ໂຕ​ໂກ​ປະ­ກັນ​ໄພ ຜູ້​ມີ​ປະ­ສົບ​ການ​ດ້ານ​ທຸ­ລະ​ກິດ​ປະ­ກັນ​ໄພ ຈາກ​ປະ­ເທດ​ກຳ­ປູ­ເຈຍ ປະ­ສົບ​ການ​ຫຼາຍ​ກວ່າ 10 ປີ.

    ທ່ານ Charles Cheo ກ່າວ​ວ່າ: ຜະ­ລິດ​ຕະ​ພັນ "ສະ­ບາຍ​ໃຈ​ໄປ​ໃສ​ໄປ​ກັນ” ອອກ​ແບບ​ມາ​ສຳ­ລັບ​ລູກ​ຄ້າ​ຜູ້​ໃຊ້​ບໍ­ລິ­ການ​ໂທລະ­ສັບ​ມື​ຖື​ຂອງ ລລທ ໂດຍ​ສະ­ເພາະ ທຸກ​ເທື່ອ​ທີ່​ລູກ​ຄ້າ​ສະ­ໝັກ Internet Packageຂອງ ລລທ ສາ­ມາດ​ເລືອກ​ເອົາ Package ຄວບ​ຄູ່​ກັບ​ປະ­ກັນ​ໄພ​ຂອງ​ບໍ­ລິ­ສັດ ຟໍ​ເຕ​ໂຕ​ໂກ​ປະ­ກັນ​ໄພ ໄດ້​ຢ່າງ​ສະ­ດວກ ເພື່ອ​ຮັບ​ສິດ­ທິ​ພິ­ເສດ​ໃນ​ການ​ຄຸ້ມ​ກັນ ແລະ ຫຼຸດ­ຜ່ອນ​ການ​ການ​ສູນ​ເສຍ​ຈາກ​ອຸ­ບັດ­ເຫດ​ເຊັ່ນ: ຄ່າ​ໃຊ້​ຈ່າຍ​ຮັກ­ສາ​ປິ່ນ­ປົວ​ເວ­ລາ​ນອນ​ໂຮງ­ໝໍ 110.000 ກີບ​ຕໍ່ 1 ຄືນ ໄດ້​ຮັບ​ຄ່າ​ຊົດ​ເຊີຍ​ສູງ​ສຸດ 19 ລ້ານ​ກີບ ກໍ­ລະ­ນີ​ອຸ­ບັດ­ເຫດ​ສ່ວນ​ບຸກ­ຄົນ ພິ­ການ​ຖາ­ວອນ​ຫຼື​ເສຍ​ຊີ­ວິດ ເງື່ອນ­ໄຂ​ຜູ້​ທີ່​ໃຊ້​ບໍ­ລິ­ການ​ນີ້ ຕ້ອງ​ເປັນ​ລູກ​ຄ້າ​ທີ່​ໃຊ້​ໂທລະ­ສັບ​ມື​ຖື​ເບີ​ຕື່ມ​ເງິນ ແລະ ເບີ Net Sim ຂອງ ລລທ ທົ່ວ​ປະ­ເທດ ອາ­ຍຸ 16-69 ປີ ເປັນ​ຄົນ​ລາວ ຫຼື ຄົນ​ຕ່າງ­ປະ­ເທດ​ທີ່​ອາ­ໄສ​ຢູ່​ລາວ ຕ້ອງ​ສະ­ໝັກ Package ຄົບ​ຕາມ​ເກນ​ທີ່​ກຳ­ນົດ ສາ­ມາດ​ເລືອກ​ໄດ້​ແຕ່​ຕ່ຳ-ສູງ.

ຂ່າວທີ່ກ່ຽວຂ້ອງ