ເຕະບານ ຢູ-12 ຊີງຂັນ ສຕລ ຖືກເລື່ອນອອກໄປແບບບໍ່ມີກຳນົດ

1.765 12 ມ.ນ. 2020 ວົງຈອນກີລາ
ເຕະບານ ຢູ-12 ຊີງຂັນ ສຕລ ຖືກເລື່ອນອອກໄປແບບບໍ່ມີກຳນົດ

    ການ​ແຂ່ງ­ຂັນ​ເຕະ­ບານ​ເຍົາ ວະ​ຊົນ​ຊາຍ​ຮຸ່ນ​ອາ­ຍຸ​ບໍ່​ເກີນ 12 ປີ ຫຼື ຢູ-12 ຊີງ​ສະ­ຫະ­ພັນ​ບານ ເຕະ​ແຫ່ງ​ຊາດ​ລາວ ຫຼື ສຕລ ປະ­ຈຳ​ປີ 2020 ຮອບ​ຮອງ​ຊະ­ນະ​ເລີດ ແລະ ຮອບ​ຊີງ​ຊະ­ນະ​ເລີດ ທີ່​ຈະ​ແຂ່ງ­ຂັນ​ທ້າຍ​ອາ­ທິດ​ນີ້ (ວັນ​ທີ 7 ມີ­ນາ) ຖືກ​ເລື່ອນ​ການ​ແຂ່ງ­ຂັນ​ອອກ​ໄປ​ແບບ​ບໍ່​ມີ​ກຳ­ນົດ ເພື່ອ​ປ້ອງ​ກັນ​ການ​ແຜ່​ລະ­ບາດ​ຂອງ​ພະ­ຍາດ​ໂຄ​ວິດ-19.

    ອີງ​ຕາມ​ຂໍ້​ມູນ​ຈາກ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ອອກ​ແຈ້ງ​ການ​ວັນ​ທີ 4 ມີ­ນາ 2020 ໃຫ້​ຮູ້​ວ່າ: ຂໍ​ແຈ້ງ​ມາ​ຍັງ ບັນ­ດາ​ທີມ​ທີ່​ເຂົ້າ​ຮ່ວມ​ການ​ແຂ່ງ ຂັນ​ເຕະ­ບານ​ເຍົາ­ວະ​ຊົນ​ຊາຍ​ຮຸ່ນ​ອາ­ຍຸ​ບໍ່​ເກີນ 12 ປີ ຊີງ​ຂັນ ສຕລ ປະ­ຈຳ​ປີ 2020 ຊາບ​ວ່າ: ການ​ແຂ່ງ­ຂັນ​ຮອບ 4 ທີມ ແລະ ຮອງ​ຊີງ​ຊະ­ນະ​ເລີດ ປະ­ຈຳ​ອາ ທິດ​ທີ 5 ທີ່​ຈະ​ແຂ່ງ­ຂັນ​ວັນ​ເສົາ​ທີ 7 ມີ­ນາ 2020 ໄດ້​ເລື່ອນ​ການ​ແຂ່ງ­ຂັນ​ອອກ​ໄປ​ແບບ​ບໍ່​ມີ​ກຳ­ນົດ ສາ­ເຫດ​ເນື່ອງ​ຈາກ​ທາງ​ຄະ­ນະ​ບໍ­ລິ­ຫານ​ງານ ສຕລ ໄດ້​ເຫັນ​ເຖິງ​ຄວາມ​ສຳ­ຄັນ ​ໃນ​ການ​ປ້ອງ​ກັນ​ການ​ແຜ່​ລະ­ບາດ​ຂອງ​ພະ­ຍາດ​ໂຄ​ວິດ-19 ທີ່​ກຳ­ລັງ​ແຜ່​ລະ­ບາດ​ຢ່າງ​ໜັກ​ທົ່ວ​ໂລກ​ໃນ​ປັດ­ຈຸ­ບັນ.

    ສຳ­ລັບ​ຮອບ​ຮອງ​ຊະ­ນະ​ເລີດ ມຊ ເອັຟ​ຊີ ທີ່​ລົງ​ສະ­ໜາມ 6 ນັດ ມີ 14 ຄະ­ແນນ ເຂົ້າ​ຮອບ​ໃນ​ຖາ­ນະ​ແຊັມ​ກຸ່ມ A ໄປ​ພົບ​ກັບ ດີ​ເຄ ເອັຟ​ຊີ ຮອງ​ແຊັມ​ກຸ່ມ B ທີ່​ລົງ​ສະ­ໜາມ 7 ນັດ​ມີ 13 ຄະ ແນນ ສ່ວນ ລ໋ອບ ສະ​ເຕ​ດ້ຽມ ລົງ​ສະ­ໜາມ 6 ນັດ ມີ 14 ຄະ ແນນ​ເຊັ່ນ​ກັນ ເຂົ້າ​ຮອບ​ຮອງ​ໃນ ຖາ­ນະ​ຮອງ​ແຊັມ​ກຸ່ມ A ໄປ​ພົບ​ກັບ ເຄ​ເອັນ​ຊີ ເອັຟ​ຊີ ແຊັມ​ກຸ່ມ B ທີ່​ລົງ​ສະ­ໜາມ 7 ນັດ​ຊະ­ນະ​ລວດ​ມີ 21 ຄະ­ແນນ ເຊິ່ງ​ການ​ແຂ່ງ­ຂັນ​ຈະ​ເລື່ອນ​ອອກ​ແບບ​ບໍ່ມີ​ກຳ­ນົດ ແຕ່​ຖ້າ​ມີ​ແຈ້ງ​ການ​ອະນຸ​ຍາດ​ໃຫ້​ແຂ່ງ­ຂັນ​ອີກ​ຄັ້ງ ພວກ​ເຮົາ​ຈະ​ຂໍ​ລາຍ​ງານ​ໃຫ້​ທ່ານ​ຊາບ​ຕື່ມ​ພາຍ­ຫຼັງ.

ຂ່າວທີ່ກ່ຽວຂ້ອງ