ນະຄອນຫຼວງ ດໍາເນີນຊີວິດການເມືອງ ກຽມໃຫ້ກອງປະຊຸມໃຫຍ່

2.286 10 ມ.ນ. 2020 ຂ່າວໜ້າ​ໜຶ່ງ
ນະຄອນຫຼວງ ດໍາເນີນຊີວິດການເມືອງ ກຽມໃຫ້ກອງປະຊຸມໃຫຍ່

    ກອງ​ປະ­ຊຸມ​ຄົບ​ຄະ­ນະ​ບໍ­ລິ­ຫານ​ງານ​ພັກ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ 21 ສະ­ໄໝ​ທີ VI ຈັດ​ຂຶ້ນ​ວັນ​ທີ 10-13 ມີ­ນາ 2020 ທີ່​ຫ້ອງ​ວ່າ­ການ​ປົກ­ຄອງ ນວ ເປັນ​ປະ­ທານ​ຂອງ​ສະ­ຫາຍ ສິນ​ລະ​ວົງ ຄຸດ​ໄພ­ທູນ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ​ຄະ­ນະ​ພັກ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ຮອງ​ເລ­ຂາ​ຄະ­ນະ​ພັກ ຄະ­ນະ​ປະ­ຈຳ​ພັກ ຄະ­ນະ​ພັກ ນວ ເຈົ້າ­ເມືອງ ຫົວ­ໜ້າ​ພະ​ແນກ ແລະ ອົງ­ການ​ທຽບ​ເທົ່າ​ເຂົ້າ​ຮ່ວມ.

    ກອງ​ປະ­ຊຸມ​ໄດ້​ຮັບ​ການ​ລາຍ​ງານ ແລະ ໃຫ້​ທິດ​ຊີ້​ນຳ​ບົດ​ສະ­ຫຼຸບ​ການ​ນຳ­ພາ​ຈັດ​ຕັ້ງ​ປະ­ຕິ­ບັດ ວຽກ​ງານ​ຮອບ­ດ້ານ​ຂອງ​ຄະ­ນະ​ບໍ­ລິ­ຫານ​ງານ​ພັກ ນວ ປະ­ຈຳ​ປີ 2019 ແລະ ແຜນ​ວຽກ​ຈຸດ​ສຸມ​ຮອດ​ເດືອນ​ສິງ­ຫາ 2020 (ໝົດ​ສະ­ໄໝ​ທີ VI ຂອງ​ຄະ­ນະ​ພັກ ນວ) ໃນ​ນີ້​ໄດ້​ຮັບ​ຟັງ​ລາຍ​ງານ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ຜົນ­ສຳ­ເລັດ​ການ​ດຳ­ເນີນ​ກອງ​ປະ­ຊຸມ​ໃຫຍ່​ຄະ­ນະ​ພັກ​ຮາກ​ຖານ ແລະ ໜ່ວຍ​ພັກ​ຮາກ​ຖານ​ທົ່ວ ນວ ແລະ ແຜນ​ສືບ­ຕໍ່​ກະ­ກຽມ​ດຳ­ເນີນ​ກອງ​ປະ­ຊຸມ​ໃຫຍ່​ຂອງ​ຄະ­ນະ​ພັກ​ຮາກ​ຖານ​ທີ່​ຍັງ​ເຫຼືອ ອົງ­ຄະ​ນະ​ພັກ​ເມືອງ ກອງ​ບັນ­ຊາ​ການ ປກຊ-ປກສ ພ້ອມ​ນັ້ນ​ຮັບ​ຟັງ​ລາຍ​ງານ ແລະ ໃຫ້​ທິດ​ຊີ້​ນຳ​ຜົນ​ການ​ປະ​ເມີນ​ໃຫ້​ຄະ­ແນນ​ຕໍ່​ພະ­ນັກ­ງານ​ນຳ­ພາ-ຄຸ້ມ​ຄອງ ແລະ ລັດ­ຖະ­ກອນ​ທົ່ວ ນວ ປະ­ຈຳ​ປີ 2019 ແຜນ​ການ­ຈັດ­ຕັ້ງ​ປະ­ຕິ­ບັດ​ສຳ­ລັບ ປີ 2020 ຮ່າງ​ເບື້ອງ​ຕົ້ນ​ຂອງ​ບົດ​ລາຍ​ງານ​ການ­ເມືອງ ແຜນ​ກະ­ກຽມ​ບຸ​ຄະ­ລາ​ກອນ ຂະ​ບວນ​ການ ເພື່ອ​ກະ­ກຽມ​ໃຫ້​ແກ່​ກອງ​ປະ­ຊຸມ​ໃຫຍ່ ຄັ້ງ​ທີ VII ຂອງ​ອົງ­ຄະ​ນະ​ພັກ ນວ ພິ­ຈາ­ລະ­ນາ​ຮັບ­ຮອງ​ເອົາ​ບຸ​ຄະ­ລາ​ກອນ​ໃນ​ຄະ­ນະ​ກວດ­ກາ​ພັກ ນວ ເປີດ​ບັ້ນ​ດຳ­ເນີນ​ຊີ­ວິດ​ການ­ເມືອງ​ພາຍ​ໃນ​ຂອງ​ຄະ­ນະ​ບໍ­ລິ­ຫານ​ງານ​ພັກ ນວ ປະ­ຈຳ​ປີ 2019 ຜ່ານ​ບົດ​ສຳ​ຫຼວດ​ນຳ­ພາ​ລວມ ແບ່ງ​ໜ່ວຍ​ສຳ​ຫຼວດ ດຳ­ເນີນ​ການ​ສຳ​ຫຼວດ​ບຸກ­ຄົນ​ໃນ​ແຕ່​ລະ​ໜ່ວຍ ສຳ​ຫຼວດ​ພາຍ​ໃນ​ຄະ­ນະ​ປະ​ຈາ​ພັກ ນວ ແລະ ລາຍ​ງານ​ຜົນ​ດຳ­ເນີນ​ຊີ­ວິດ​ການ­ເມືອງ​ພາຍ​ໃນ​ຂອງ​ຄະ­ນະ​ບໍ­ລິ­ຫານ​ງານ​ແພກ ນວ ປະ­ຈຳ​ປີ 2019 ແນ­ໃສ່​ເປັນ​ການ​ແລກ­ປ່ຽນ ປະ­ກອບ​ຄຳ​ຄິດ​ຄຳ​ເຫັນ ຕຳ​ນິ​ສົ່ງ​ຂ່າວ​ເຊິ່ງ​ກັນ ແລະ ກັນ ເພື່ອ​ພ້ອມ​ກັນ​ຊອກ​ໃຫ້​ໃຫ້​ຈຸດ​ອ່ອນ​ຂໍ້­ຄົງ­ຄ້າງ​ຂອງ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ໃນ​ໜ່ວຍ​ພັກ ເຮັດ​ໃຫ້​ໜ່ວຍ​ພັກ​ປອດ​ໃສ ເຂັ້ມ­ແຂງ ແລະ ໜັກ​ແໜ້ນ​ຂຶ້ນ​ເປັນ​ກ້າວໆ.

ຂ່າວທີ່ກ່ຽວຂ້ອງ