ວິຕາມິນ​ບຳລຸງ​ສາຍຕາ​ທີ່​ທ່ານ​ຄວນ​ຮູ້

2.016 06 ມ.ນ. 2020 ຫົວຂໍ້ຂ່າວອື່ນໆ
ວິຕາມິນ​ບຳລຸງ​ສາຍຕາ​ທີ່​ທ່ານ​ຄວນ​ຮູ້

     ວິຕາມິນ​ມີ​ຄວາມ​ສຳຄັນ​ຕໍ​ການ​ຈະເລີນ​ເຕີບ​ໂຕ​ຂອງ​ເຊລ ຊ່ວຍ​ໃນ​ການ​ເບິ່ງ​ເຫັນ ​ແລະ ​ບຳລຸງ​ສາຍຕາ​ໃຫ້​ມີ​ສຸຂະພາບ​ດີ ອີກ​ທັງ​ຫຼຸດ​ອາການ​ປວດ​ລ້າ​ຈາກ​ດວງ​ຕາ​ຈາກ​ການ​ໃຊ້​ຄອມ​ພິວ​ເຕີ້ ແລະ ມື​ຖື​ເປັນເວລາ​ດົນ ເຊິ່ງ​ການ​ກິນ​ຜັກ​ໝາກ​ໄມ້​ທີ່​ມີ​ວິຕາມິນ​ A ​ສູງ​ຈະ​ຊ່ວຍ​ບຳລຸງ​ສາຍຕາ​ໃຫ້​ດີ​ຍິ່ງ​ຂື້ນ.

    - ເບ​ຕ້າ​ແຄ​ໂຣ​ທີນ (Beta-Carotene): ເປັນ​ວິຕາມິນ​ຊະນິດ​ໜຶ່ງ​ເຊິ່ງ​ມີ​ຢູ່​ໃນ​ຜັກ​ສີຂຽວ ແລະ​ ໝາກ​ໄມ້​ສີ​ສົ້ມ ສີເຫຼືອງ ເບ​ຕ້າ​ແຄ​ໂຣ​ທີນ​ເມື່ອ​ຍ່ອຍ​ສະຫຼາຍ​ແລ້ວ​ຈະ​ໄດ້​ເປັນ​ວິຕາມິນ​ເອ ເຊິ່ງ​ຈະ​ຊ່ວຍ​ໃນ​ການ​ເບິ່ງ​ເຫັນ ເຮັດ​ໃຫ້​ດວງ​ຕາ​ມີ​ປະສິດທິພາບ​ດີ​ຍິ່ງ​ຂື້ນ ຊະ​ລໍ​ການ​ເສື່ອມ​ຂອງ​ຈໍ​ປະສາດ​ຕາ ລຸດ​ຄວາມ​ເສື່ອມ​ຂອງ​ເຊລ​ໜ່ວຍ​ຕາ ຫຼຸດ​ຄວາມ​ສ່ຽງ6​ໍ​ການ​ເປັນ​ຕໍ້​ກະຈົກ ແລະ​ປ້ອງ​ກັນ​ໂລກ​ຕາບອດ​ກາງຄືນ.

     ພົບ​ຫຼາຍ​ໃນ ກາ​ຣົດ ຕຳນິນ ມັນ​ຫວານ ບລ໊ອກ​ໂຄ​ລີ່ ຜັກ​ປວຍ​ເລັ້ງ ໝາກອຶ ໝາກເຜັດ​ຫວານ ໝາກ​ເລັ່ນ​ລາຊິນີ ກ້ວຍໄຂ່ ໝາກຫຸ່ງ​ສຸກ ໝາກມ່ວງ​ສຸກ.

    - ສານ​ລູ​ທີນ​ແລະ​ຊີ​ແຊນ​ທີນ  (Lutein and Zeaxanthin): ເປັນສານ​ທີ່​ຈັດ​ຢູ່​ໃນ​ກຸ່ມ​ຂອງ​ແຄ​ໂຣ​ທີ​ນອຍ​ເປັນສານ​ຕ້ານ​ອະນຸ​ມູນ​ອິດສະຫຼະ​ທີ່​ມີ​ປະໂຫຍດ​ຕໍ່​ດວງ​ຕາ ຊ່ວຍ​ປ້ອງ​ກັນ​ລັງສີ​ຈາກ​ແສງ​ແດດ​ເຊິ່ງ​ເປັນ​ອັນຕະລາຍ​ຕໍ່​ດວງ​ຕາ ປ້ອງ​ກັນ​ຈໍ​ປະສາດ​ຕາ​ບໍ່​ໃຫ້​ຖືກ​ທຳລາຍ ຊ່ວຍ​ຊະ​ລໍ​ການ​ເກີດ​ຕໍ້​ກະຈົກ ແລະ ປ້ອງ​ກັນ​ໂລກ​ຈໍ​ປະສາດ​ຕາ​ເສື່ອມ​ພົບ​ຫຼາຍ​ໃນ ຜັກ​ຫົມ ກະ​ຫຼ່ຳ ຖົ່ວ​ລັນເຕົາ ກາ​ຣົດ ໄຂ່​ແດງ ສາລີ ບລ໊ອກ​ໂຄ​ລີ່ ອາ​ໂວ​ຄາ​ໂດ ໝາກ​​ພັກ ໝາກອຶ.

  - ວິຕາມິນ​ອີ (Vitamin E): ວິຕາມິນ​ອີ​ເປັນ​ໂຕ​ຕ້ານ​ອະນຸ​ມູນ​ອິດສະຫຼະ​ທີ່​ສຳຄັນ ເສີມ​ສ້າງ​ລະບົບ​ພູມ​ຄຸ້ມ​ກັນ​ໃນ​ຮ່າງກາຍ ຊ່ວຍ​ບຳລຸງ​ລະບົບ​ປະສາດ​ຕາ​ບໍ່​ໃຫ້​ເສື່ອມ​ກ່ອນ​ໄວ ປ້ອງ​ກັນ​ການ​ເກີດ​ຂອງ​ໂລກ​ຕໍ້​ກະຈົກ ປ້ອງ​ກັນ​ຈໍ​ປະສາດ​ຕາ​ເສື່ອມ​ພົບ​ຫຼາຍ​ໃນ ອາ​ໂວ​ຄາ​ໂດ ນ້ຳມັນ​ໝາກກອກ ແກ່ນ​ຕາເວັນ ຖົ່ວ​ພິ​ຕາ​ຊິ​ໂອ ໜໍ່ໄມ້​ຝລັ່ງ ໝາກມ່ວງ​ຫິມ​ມະ​ພານ.

  - ໂອ​ເມ​ກາ3: ເປັນ​ກຸ່ມ​ຂອງ​ກົດ​ໄຂມັນ​ຊະນິດ​ທີ່​ບໍ່​ອິ່ມ​ໂຕ​ສູງ ເຊິ່ງ​ເປັນ​ໂຄງ​ສ້າງ​ໄຂມັນ​ສຳຄັນ​ໃນ​ການ​ບຳລຸງ​ສະໝອງ​ ແລະ ​ຈໍ​ປະສາດ​ຕາ ອີກ​ທັງ​ຍັງ​ຊ່ວຍ​ຮັກສາ​ພາວະ​ຕາ​ແຫ້ງ.

    ພົບ​ຫຼາຍ​ຈາກ​ປາທະ​ເລ​ນ້ຳ​ເລິກ ເຊັ່ນ ປາ​ແຊວ​ມ່ອນ ປາທູ​ນ່າ ປາ​ແມັກ​​ດ​ເຄີ​ເລວ ປາ​ຊາ​ດິນ ຜັກ​ໝາກ​ໄມ້​ບາງ​ຊະນິດ ອາ​ໂວ​ຄາ​ໂດ ຜັກ​ເຄລ ງາ​ດຳ ຖົ່ວ​ແຫຼະ​ຍີ່ປຸ່ນ.

ຂ່າວທີ່ກ່ຽວຂ້ອງ